ചെവിയ്ക്കു പിന്നില്‍നിന്ന്
കിളി പറന്നു...
പറഞ്ഞ വാക്കും,
കിളീടെ പ്രാക്കും....

(09.12.2011)

മഞ്ഞച്ചരടില്‍
കെട്ടിത്തൂങ്ങിച്ചത്തു, നീ
ആലിലത്താലി

(30.06.2012)

മഴ പെയ്യുന്നു,

ഞാന്‍ മാത്രം നനയുന്നു,

പ്രണയമഴ...

(27..06..2012)

 

ജലനിരപ്പിന്‍
അടിക്കണക്കുകളില്‍
അടിപ്പെട്ട ജീവിതം...!

(13.12.2011)

സ്വര്‍ഗ്ഗത്തിരുന്നു
പ്രണയിക്കുന്നു, രണ്ടു
കട്ടുറുമ്പുകള്‍

(28.12.2011)

ഇറുത്തപ്പോള്‍ കണ്ണീരു പൊടിഞ്ഞു,
എണ്ണയിലിട്ടപ്പോള്‍ പൊട്ടിക്കരഞ്ഞു,
കറിയിലിട്ടപ്പോള്‍ വാടിക്കുഴഞ്ഞു,
കരയാന്‍ പിറന്നവള്‍ - കറിവേപ്പിലപ്പെണ്ണ്‍...

(29.10.2011)

എനിക്കു നിന്നെ

മടുക്കും വരെ മാത്രം

പ്രണയിക്കൂ നീ...

(11.12.2011)

അടിച്ചതു നീ...
അകലത്തിരുന്നിട്ടും
ഫിറ്റായതു ഞാന്‍...

(17.12.2011)

വിശന്നിരുന്ന്‍
ഉണ്ടു നിറഞ്ഞപ്പോഴും
ആക്രാന്തം ബാക്കി...

(14.12.2011)

അടുപ്പിലിരിക്കുന്നു നീ
പുകയാത്ത ഒരു കൊള്ളി
തീ പിടിപ്പിക്കുന്നതും
ഊതിക്കത്തിയ്ക്കുമ്പോള്‍
ആളിക്കത്തുന്നതും ഞാന്‍

(27.12.2011)

പട്ടട കെട്ടു;
ഇവിടെയിനി ബാക്കി
മരിച്ച ഞാനും...

(14.12.2011)

ചൊല്ലിത്തന്നു നീ,
സര്‍വ്വവും മായാമയം !
നീയപവാദം?

(13.12.2011)

വയറിളക്കം
പല്ലുതേയ്ക്കാതെന്നെ നീ
തിന്നിട്ടാ പെണ്ണേ...

(15.12.2011)